Jú ég er ennþá lifandi....ég er búin að opna nýja síðu með myndum af þessum gullfallegu drengjum mínum

slóðin er www.ingvarssynir.barnaland.is og aðgangsorðið eru fyrstu stafirnir í fornöfnum drengjanna, sá eldri fyrst að sjálfsögðu. Líka hægt að senda mér póst og fá það sent.

Kem til með að blogga eitthvað en lofa engu samt

Ingvar að vinna og ekkert í sjónvarpinu...ákvað að hreinsa myndavélina og setti inn nokkrar myndir á síðuna í leiðinni. Oliver hefur tekið köst á myndavélina og er "því miður" búin að læra á hana. Hann var búin að taka um 300 myndir á hana í tveimur sessionum. Eitt kvöldið tók hann sig til þegar eg fór í saumaklúbb og íris var að passa að hann tók myndir af öllu. svona 50 myndir af því sem var í sjónvarpinu...dótinu sínu...út um gluggann og já af svölum nágrananna Svo fékk hann vélina á laugardaginn en Arnar bróðir var að útskrifast úr Versló og það var smá veisla heima hjá Mömmu og Pabba...minn maður tók myndir af öllu galleríinu...fattaði í miðri veislu að taka myndir af sjálfum sér...og myndir af sjálfum sér með öðrum. Það semsagt sést aðeins á myndunum sem ég setti inn núna. En það góða er að þess vegna eru nokkrar af mér..gaman að taka myndir af mömmu sinni

En þá er þessi ljúfa helgi að verða búin og engin lögbundinn frídagur fyrr en um verslunarmannahelgi .... úps...hljómar ekki vel. og þó...þegar maður er búin að fá nýtt spennandi starf hljómar þetta bara ágætlega. Ég er semsagt að byrja á föstudaginn sem sjóðstjóri hjá Glitnir-sjóðum. Útskýri hvað það nákvæmlega þýðir ekki á þessari síðu Allavega þýðir það að ég er að breyta til og er bara alveg rosalega ánægð með það.

Ingvar er búin að fá skránna fyrir júní og er bara alltof mikið að vinna fyrir minn smekk. hehe maður er fljótur að gleyma...ég fæ hann allavega heim á kvöldin þannig að ég kvarta ekki

Myndirnar sem ég setti inn eru meðal annars úr sveitaferðinni sem ég fór í með leikskólanum hans Olivers. Síðan eru myndir af bræðrunum nýbúnum að borða bláan candy floss sem ég stóð í biðröð í Húsdýragarðinum á opnum degi í 40 mínútur til að fá...geri aðrir betur! Meira ruglið maður að láta hafa sig út í að fara í þennan garð í boði stöðvar2 og biðraðir dauðans út um allt...mæli ekki með því....kostar ekki svo mikið í garðinn á venjulegum dögum

Er það ekki annars?? úff nei það er ógeðslega kalt og gengur á með éljum í höfuðborginni. Jájá glottiði bara þið sem búið á meginlandi Evrópu...okkur er alveg sama. Bara spurning um að klæða sig eftir veðri. Ingvar er í fyrstu alvöru vinnuferðinni sinni í dag...æji ég meina að fljúga sjálfur og svona. Til Köben og til baka kemur heim seinnipartinn...ljúft.

Allt að gerast í vinnumálum hjá mér fyrir þá sem fylgjast með þeirri sápuóperu og allt að gerast meira um það síðar

já takk fyrir .....bæklingurinn komin í hús. Strákurinn er að fara að byrja í skóla og fór í skólaheimsókn í vikunni. Hann er frekar sáttur og ég er ekki frá því að hann hafi stækkað um nokkra centimetra bara síðan þá.

Annars er bara allt gott að frétta af okkur hér. Ingvar er komin heim úr útlegðinni og tekin við heimilinu á ný. Ég lufsast úr og í vinnu og er alvarlega að spá í að taka mér bara frí í allt sumar...það væri ljúft. Sumarið leggst vel í mig. Bíð bara eftir júní-skránni hans Ingvars til að geta keypt miða til Lux...Til hamingju með afmælið NMH Ég á reyndar eftir að athuga hvort frú Elísabet verður heima til að taka á móti okkur ... en þessi ferð er bara algjört möst.

Ohhh nenni ekki að skrifa meira....ég er ekki að grínast en ég var búin að skrifa helling en ýtti á einhvern takka og eyddi því öllu....arg

góða helgi

já ég drap fyrstu könguló sumarsins á svölunum á sunnudaginn... það hálf gladdi mitt litla hjarta að finna fyrir því að sumarið værir að koma þótt það þýddi gæsahúð og viðbjóð yfir þessum dýrum.

Helgin var róleg hjá mér....búið að vera ömurlegt rok þannig að maður nennir ekki mikið út. Fór samt og gerði svalirnar tilbúnar fyrir sólardagana sem eru alveg á næsta leiti. Svo í dag er maður enn í fríi. Ég var að henda strákastóði héðan út en þeir voru orðnir fjórir inni í herbergi...komu klukkan 3 og sögðust ætla heim klukkan 5...ég bara svitnaði...en þegar öskrin voru orðin of mikil þá fór ég og stakk uppá því að þeir færu bara út að hjóla og jú þeir voru sko til í það.

Ég var að dekkjavesenast með bílinn í gær eftir vinnu. Fór með jeppann á dekkjaverkstæði á milli þess að keyra Oliver á sundnámskeið og að fara út í búð að versla. Kom svo heim og gaf þeim að borða...pasta sem þeim báðum fannst ógeðslega vont. Lenti svo í símanum og á meðan þá kúkaði Markús Ingi á gólfið. Þannig að ég var farin að dotta hérna yfir sjónvarpinu að horfa á CSI í gær Færði mig inn í rúm og horfði á Raymond áður en ég sofnaði....gott að hlæja aðeins áður en maður fer að sofa.

Allt að gerast í vinnunni eins og allir vita...komin nýr forstjóri. Rosalega upplifir maður sig eitthvað fullorðin þegar maður er orðin jafngamall forstjórum Eins gott að maður ber aldurinn vel Annars var ég að segja við Ingvar í símann um daginn að nú yrði ég að fara út að hlaupa....þá hvíslaði sonur minn að mér...nei mamma þú getur það ekki! ....pabbi er í útlöndum og við getum ekki verið einir... þannig að ég hef ekki farið ennþá náttúrulega

Vá rosalega er ég búin að vera löt að blogga....og þið segið ekki neitt!

Annars er kominn sumarfílingur í mann og bjartýnin að taka völdin með hækkandi sól....eins og hjá flestum öðrum sýnist manni allavega á væntingavísitölunni En já svona er ég orðin bara farin að tala um vísitölur og eitthvað rugl....þetta er veturinn nú búin að fara í hjá manni..loksins farið að skila sér.

Ég er einstæð móðir um þessar mundir en Ingvar er í Finnlandi að "vinna". Ég býð nú ekki í þá stöðu að vera einstæð móðir með tvö börn þó að maður fái alla mögulega hjálp þá er þetta ekki eftirsóknarvert. Ég er búin að vera frá vinnu með veikt barn í einn dag í þessari viku. Svo er ég er að fara í sveitaferð með leikskólanum í næstu viku...var nú eiginlega að vona að Ingvar tæki það í ár...ég fór í fyrra og þetta er svona jah ekki kannski endilega það sem ég myndi vilja eyða deginum í! Úff er ég ógeðslega leiðinleg? Ætlaði að reyna að komast hjá því að fara með rútunni og fara bara á bílnum...en nei OO vildi endilega fara með rútunni og ég verð nú að leyfa honum að ráða þessu er það ekki?

æji ég hef fullt að segja en ég nenni þessu ekki ... later

Af því að ég er svo gleymin...pottþétt erfðafræðilegur þáttur sem hefur ekkert að gera með aldur ...já að þá ákvað ég að skrifa strax niður gullkornin sem féllu hérna áðan þegar ég var að baða frumburðinn og spjalla við hann á meðan...en þessar spjallstundir okkar eiga það reyndar til að teygjast fram úr hófi þessa dagana. Það er svo fyndið þegar menn eru með meiningar um hvernig hlutirnir eigi að vera...þið vitið sjálfsagt hvað ég meina.

En hvað um það....þegar ég tók hann upp úr baðinu þá kom uppúr þurru "mamma ég vildi ekki eignast Markús....ha af hverju ekki?.....ég vildi bara fá kettling!" hvað getur maður svosem sagt við því

Svo kom annar góður...hann Finnbogi í næsta húsi kom með Brynjari (sem býr líka í næsta húsi) að spyrja eftir OO. Þeir eru allir saman á leikskóla og OO hefur oft leikið við Finnboga, en þeir eru samt ekki bestu vinir eins og Brynjar og OO. Svo þegar þeir komu hérna félagarnir þá kom OO og spurði hvort þeir mættu koma inn, Brynjar og .....æji hvað heitirðu aftur? Finnbogi ....já og Finnbogi. En úr varð að þeir fóru út. Svo vorum við eitthvað að tala um strákana og OO sagði alltaf Vinbogi...svo leiðrétti ég hann svona í framhjáhlaupi og sagði "hann heitir Finnbogi...með F"....já Finnbogi sagði OO..."alveg eins og Regnbogi" Kannski var þetta svona "had to be there" brandari en ég þurfti allavega að taka mig vel saman í andlitinu til að springa ekki úr hlátri

Já og búhúhú Ingvar og Tommi þið eigið svo bágt ...og það var sko ekki ég sem gleymdi lyklunum af skíðaboganum....en ég kom með commentið um 70 kílóin...sorry

Jæja við fórum norður um helgina...rosa fínt þar eins og venjulega. Maður fékk að sofa út og borða alveg út í eitt. Fórum á skíði á laugardaginn. Það var önnur misheppnaðasta skíðaferð okkar fjölskyldunnar...á eftir þessari þegar Ingvar gleymdi lyklinum af skíðaboganum heima Í þetta skiptið braut Ingvar bindingarnar á skíðunum sínum þegar hann gerði fyrstu tilraun til að stíga á skíðin Ég fór nokkrar ferðir með OO og það var rosa gaman.

Ég trúi því ekki að ég fái engin comment á kynjaumræðuna hérna um daginn!!!!

Dagmamman er veik í dag....enn og aftur kemur sér vel að hafa eiginmanninn heima.

Afmælisbarn dagsins er litla systir mín sem er nú orðin 22 ára þessi elska. Af því tilefni ætla ég að fara til mömmu í dag og fá köku og með henni eitthvað hjartastyrkjandi vona ég Það er vel við hæfi af því að í dag er ég single-again. Ingvar fór með strákana norður í morgun þannig að ég hef heilan seinnipart út af fyrir mig. Um að gera að nota hann vel þannig að það verður ekkert sjónvarpsgláp í kvöld.

Ég fékk afskaplega góða heimsókn í gærkvöldi, Þóra og Halla komu með maka og börn í mat og það var alveg frábært að geta loksins hist öll saman. Strákarnir náðu vel saman, en unglingurinn (Dalmar Ingi) fékk að kíkja aðeins í tölvuna Mín eldaði náttúrulega guðdómlegan mat...uppúr matreiðslubók Nönnu...tókst svona alveg ágætlega, þetta get ég nú þegar mikið liggur við. Annars ætla ég að fara að stunda það meira að elda svona eitthvað nýtt eftir uppskriftum. Neyðarlegt að gera það bara þegar maður fær gesti og vankunnáttan skín af manni. Einu mistökin voru að kaupa ekki sérstakan mat handa ofnæmissjúklingnum. Ég bara steingleymdi því...tek það algjörlega á mig. Ég er bara ekki komin inn í þennan ofnæmisheim og þarf aðeins að taka mig á. Þannig að OO fékk bara hrísgrjón og brauð...ekki mjög spennandi. En hann er náttúrulega vanur að fá sérmat á leikskólanum, þannig að hann gerði ráð fyrir því sama frá móður sinni.

Annars hef ég verið að velta fyrir mér muninum á körlum og konum þessa dagana. Ég hef svona verið þessi týpa sem trúi ekki á kynjamisrétti. Heldur að konur verði að bera sig eftir því sem þær vilja og ef þær geri það...þá komist þær á þann stað sem þær stefna á. Ég er reyndar ennþá þeirrar skoðunar. En þar sem ég vinn í frekar miklum karlaheimi þá er ég aðallega að uppgötva það að kynin hugsa hlutina svo ólíkt að það er ekki nema von að þau hafi ekki sömu markmið. Ég efast til dæmis um að karlar hiki við að sækja um starf af því að það GÆTI mögulega...kannski...haft áhrif á fjölskylduna. Ég held líka að konur eigi erfiðara að tileinka sér "fake it till you make it" viðhorfið...þeim finnst það einfaldlega heimskuleg tímasóun þegar hægt að spyrja bara um hlutina.

En jæja meira um það síðar en ég gruna að þið hafið ykkar eigin skoðanir á þessu stelpur

Maður má bara ekki bregða sér úr landi þá verður bara allt vitlaust á blogginu

Já svo að ég byrji nú á byrjuninni....þá fór ég með OO til ofnæmislæknis um daginn til að fá frekari upplýsingar um fisk og baunaofnæmið sem hann er búin að vera með lengi. Það fór ekki betur en svo að læknirinn gerði ofnæmispróf á honum sem kom svona líka illa út. Hann er með ofnæmi fyrir hnetum, möndlum, soya, fisk og baunum. Þannig að ég var send strax út í apótek að kaupa adrenalínpenna sem á helst að fylgja honum hvar sem hann er. Þetta er frekar mikið mál og maður þarf að upplýsa fólk vel sem er í kringum hann, eins og á leikskólanum og svona. Þetta kom mér mikið á óvart en svo þegar ég hugsa til baka að þá útskýrir þetta ýmislegt.

Ég er nú ekki ennþá búin að sjá þessa sjónvarps-performance hjá mér en auðvitað hef ég náttúrulega alveg verið með þetta. Setti upp sparisvipinn og lúkkaði mjög gáfulega þegar sjónvarpsvélarnar mættu hérna með bankastjóranum en hann var hjá Jóni Ársæli í Sjálfstæðu fólki á sunnudaginn.

Ég sá náttúrulega ekki þáttinn af því að ég fór til London á sunnudaginn og kom aftur á miðvikudagskvöldið. Þetta var alveg frábær ferð. Mér fannst London æðislegt en fólk á mjög erfitt með að trúa því að þetta var mín fyrsta ferð þangað. En deff ekki sú síðasta. Við notuðum allann aukatíma sem var nú ekki mikill en við vorum jú á ráðstefnu alla dagana, til að versla og svo var náttúrulega wænað og dænað öll kvöld og sona

Ég var því frekar eftir mig í gær þegar ég mætti í vinnu. Er aðeins að koma til en er rosa fegin að það er föstudagur í dag. Helgin verður róleg hjá mér en Au-pairinn hjá mér er að fara út að skemmta sér á morgun með félögunum....gæti sko vanist því að hafa Ingvar svona heima, hann er svo duglegur þessi elska, var bara einn heima með strákana í þrjá daga....spáiði í það. Við erum því miður ekki að fara á Krókinn um helgina....en stefnum þangað sem allra fyrst.

Góða helgi elskurnar mínar

Þegar maður er svona útivinnandi þá gleður mann alltaf jafn mikið þegar kemur föstudagur. Sérsaklega þegar maður hefur setið á spjalli við alveg stórskemmtilegar konur fram eftir nóttu eins og ég gerði í gær Það var vel þess virði.

Annars eru allir orðnir hressir á heimilinu og vítamínin að svínvirka. Hmmm...hvað á ég að segja ykkur! Manni finnst aldrei neitt gerast hjá sér. Maður fer bara í vinnu á morgnana og heim seinnipartinn og gerir ekkert! En með hækkandi sól fer þetta nú allt að skána. Það er róleg helgi framundan hjá okkur en ég er að fara til London á sunnudaginn og verð í 3 daga á ráðstefnu þar. Svo þegar ég kem aftur bíða mín verkefni hérna í vinnunni þannig að mars verður komin áður en ég veit af. Næsta mál á dagskrá er svo að koma sér út úr bænum í sumarbústað eða norður á Krók og njóta þess að vera til. Já og svo þarnæsta mál á dagskrá er að endurnýja sturtuklefann inni á baði og pússa upp parketið hehe......nóg að gera maður verður bara að finna sér verkefni. Eða ég að finna verkefni fyrir Ingvar

Strákarnir mínir eru í fínu standi....OO greindist reyndar með major-fæðuofnæmi um daginn og þarf að vera með adrenalínpenna nálægt sér helst öllum stundum. Það var sjokk en við verðum bara að læra að lifa með því. MI er slæmur í húðinni og ég er bara í því að bera á hann krem og blablable.....æji ég veit að Lovísa hefur gaman að því að vita þessa hluti. Annars er MI alltaf jafn sætur og skemmtilegur en Símon kom og klippti bræðurna í gær þannig að þeir eru alveg extra sætir þessa dagana 

ég fór sko í búðina í gær og keypti birgðir af c-vítamíni og er að hella þessu í liðið með trekt Annars er þetta allt á uppleið...getur reyndar ekki annað en batnað. Sem betur fer er ég með besta yfirmann í heimi og hann er mjög rólegur yfir allri þessari fjarveru á mér...djö er þetta samt ömurlegt.

Ég er sko í golftímum á hálfsmánaðarfresti fram á vor....Beta...svo fer ég að verða slarkfær held ég bara...ekkert annað að gera en að skella sér á völlin í vor. Eins gott að eiginmaðurinn er búin að græja mig upp í hin ýmsu sport Græjurnar eru neflilega mjög mikilvægar í þessu öllu saman...það segja þeir allavega strákarnir.

En jæja þá er Markús Ingi vaknaður. Hann er hitalaus í dag og ég ætla að fara með hann á morgun ef hann helst þannig. Ekki nóg með þetta alltsaman heldur svo er fck-ing leikskólinn lokaður á föstudaginn...hafiði vitað annað eins...en ég ætla að bjóða OO með mér í vinnunna...hann er bara mjög spenntur fyrir því.

Jæja þá er næsta flensa byrjuð og ég heima með veikt barn eins og venjan er búin að vera síðustu vikur! Ég er búin að vera svo mikið heima að ég er komin yfir samviskubitið gagnvart vinnunni. Markús Ingi er kvefaður og með hita. Ingvar er líka veikur en varð samt að fara á námskeið í dag. Þannig að það er bara ástand Oliver er líka mjög kvefaður og var heima í gær, ef fór í leikskólann í morgun.

Ég fór í frábæra ferð um helgina til Noregs með vinnunni, á skíði. Þetta er sko alveg málið að fara í svona skíðaferðir. Bara allt frábært við það. Það var reyndar djammað frekar mikið í þessari ferð....aðeins of mikið fyrir óvana ;-) Þetta er reyndar örugglega eina sportið sem ég gat haldið í við þá bestu...en maður lét sig náttúrulega bara vaða í svörtu brekkurnar

Jæja ég er komin heim úr vinnunni í dag. Markús Ingi komin með hlaupabólu! maður er bara í þessu. Eins gott að vinna hjá "fjölskylduvænu" fyrirtæki. Ég ætlaði ekki að trúa því á laugardaginn þegar bólurnar fóru að spretta út á honum. Hann er reyndar alveg eiturhress eins og venjulega. Reyndar að breytast í illa haldin sjónvarpssjúkling og Stubbarnir látnir ganga í tækinu allan daginn.

Annars eins og ég sagði síðast byrjar árið með trukki. Ég er búin að fara til Danmerkur og heimsækja Höllu og Gunna...loksins. Fór kallalaus og barnlaus um daginn fékk náttúrulega frábærar móttökur og eyddi helginni í að væna og dæna og versla Er það ekki bara toppurinn á tilverunni...ja komið þið þá með eitthvað betra.

Á laugardaginn fórum við vinkonurnar í "spa" í kjallaranum heima hjá Þóru. Rosa flott fórum í pottinn og gufu...ótrúlega næs. Ég var búin að búa til súpu handa okkur sem var bara nokkuð vel heppnað. En hún varð nú ekki til átakalaust. Verð nú að láta það fljóta með. Ég er svo heimilisleg. Var að dunda við þetta hérna seinnipartinn á laugardaginn. Var með svona kalda súpu. Setti hana í blenderinn til að skera grænmetið betur. Vildi ekki betur til en svo að botnin datt úr blendernum og einn þriðji af súpunni fór í vaskinn í bókstaflegri merkingu....arrrrrggggg. Ef ég væri ekki vön svona uppákomum þá hefði ég náttúrulega klikkast. En ég horfði bara á björtu hliðarnar eins og ég er voðalega mikið í að gera þessa dagana og huggaði mig við að þetta fór ekki á gólfið

Ég er að fara til Noregs á fimmtudaginn með vinnunni í skíðaferð. Það verður örugglega frábært. En þangað til þreyjar maður þorrann í hlaupabólunni

Gleðilegt ár og takk fyrir það gamla Jæja ég druslaðist loksins til að henda inn nýjum myndum af fjölskyldunni. Jólamyndir og hlaupabólumyndir og fleira skemmtilegt. Annars er nýja árið bara búið að vera nokkuð viðburðaríkt. Tekur mig örugglega nokkra daga að segja ykkur frá því helsta. Ég er búin að vera heima undanfarna daga með veika stráka...hlaupabólu hjá öðrum og snert af lungnabólgu hjá hinum. Þetta hefur gert kraftaverk fyrir geðheilsuna og bara mæli með þessu fyrir alla sem vilja fá einhverja tilbreytingu í annars rútínerað líf ...........

Við höfðum það náttúrulega alveg ljómandi fínt um jólin og áramótin. Þurftum alveg alla dagana fram að þrettándanum til að ná okkur niður og þegar hann var búið var jólaskrautið tekið niður án nokkurra mótmæla. Ég var búin að undirbúa mig undir grátur og gnístran tanna .... en það hafa greinilega bara allir verið búnir að fá nóg.

to be continued.......